31 Dekabr Dünya Azərbaycanlılarının Həmrəylik Günü və Yeni il münasibətilə sinfimizdə şənlik keçirdik.
Şənliyimiz açıq elan edildikdən sonra biz Azərbaycanı tərənnüm edən şeirlər söylədik. Sonra “ Şən Azərbaycan” mahnısını xorla ifa etdik.
Tədbirimizin ikinci hissəsi Yeni ilə həsr olunmuşdu. Uşaqlar öz arzularını bildirdilər. Yeni ildə özlərinə, ailələrinə, dostlarına ən ülvi arzular söylədilər. Biz Yeni ilə həsr olunmuş şeirlər söylədik, “Yeni il” mahnısını oxuduq.
Növbə rəqslərə çatdı. Oğlanlar “Şaxta baba” rəqsini, qızlar isə “ Qar dənəcikləri” rəqsini ifa etdilər.
Rəqslərdən sonra yeni ilə, qışa, şaxtaya, qara, buza aid tapmacalar söylədik. Bu hamıya maraqlı oldu.
Rəsmlərimizi də təqdim etdik, müsabiqə keçirdik. Müsabiqədə bütün iştirakçılar qalib oldu. Biz birlikdə rəqs etdik.
Elə bu zaman Şaxta baba sinfimizə gəlib bizi təbrik etdi. Sevincimizin həddi-hüdudu yox idi. O bizə hədiyyələr də gətirmişdi. Hədiyyələrimizi alıb, Şaxta baba ilə şəkil çəkdirdik.
Şənliyimiz çox maraqlı keçdi.
